Archive for April 2011

SLPL ගැන අදහසක්...


මුලින්ම කියන්න ඕනේ මේක විචාරයක් නම් නෙමෙයිමට විචාර ලියන්න බෑ :D
 ළගට කියන්න ඕනේ මේක වෙන්න කලින් මෙහෙම දෙයක් කළොත් කියලා මේ අදහස මට කිව්වේ තාත්තා
මේ පාර අව්රුද්ධට ගමේ ගියානේ ,  දවස් වල IPL එහෙමත් තිබ්බානේ , ඉතින් අපි ගමේ ගියා කියලා ගෙදරට වෙලා ඉන්නවයි,හැබැයි තාත්තාට නම් මැච් එකක් කිව්වොත් ආයේ මුකුත් ඕනේ නෑ :D
දැන් මෙහෙත් අලුතෙන්ම පටන් ගන්නනේ යන්නේ SLPL කියලා එකක් , මේ තියෙන්නේ වැඩි විස්තර මෙතන
ඉතින් එක දවසක් තාත්තා මැච් එක බලද්දි මමත් එතනින් වාඩි වෙලා පොඩ්ඩක් බලන්න ගත්තා
දැන් මැච් එක බලන අතරේ තාත්තා මැච් එක ගැන කියනවා ( මේ තියෙන්නේ  කියපු දේවල් මමත් පොඩ්ඩක් එකතු කරලා )
ඇත්තට මමත් හිතන විදිහට IPL එක කියන්නේ ඇත්තටම ගත්තොත් බිස්නස් එකක්
ඉන්න සල්ලි කාරයෝ ටික සල්ලි ආයෝජනය කරලා ක්‍රීඩකයන් ගන්නවා ඊට පස්සේ පුළුවන් තරම් ඇඩ් ඔබලා ඒවගේ දෙතුන් ගුණයකසල්ලියක් හොයනවා
මේ තියෙන්නේ තාත්තාගේ අදහස

IPL 
ඉන්දියාව වගේ රටක තිබ්බාට ප්‍රශ්නයක් වෙන්නේ නෑ , මොකද ඉන්දීයාවේ ජනගහණයත් එක්ක බලපුවාම ඔය ඇඩ් දානවා වගේමඒවා විකීණීමට තියෙන ප්‍රතිශතයත් වැඩීනමුත් ලන්කාවේ ඔය වැඩේ කරන්න ගියොත් ලන්කාවේ ඉන්න ජනගහනය හා දැන් තියෙනදැන්වීම් ක්‍රමත් එක්ක බලපුවාම මැච් එක නම් හරියට ගහ ගනීහැබැයි මුදල් ආයෝජනය කරන අයට ප්‍රශ්නයක් එනවා මොකද එක ක්‍රීඩකයෙක්ව ගන්න සෑහෙන මුදලක් යනවා විශේෂයෙන්ම වෙනත් රට වල ටීම් වල කට්ටියව
අන්තිමට ගිය වියදම වත් කවර් කරගන්න බැරි වෙන්න ඉඩ තියෙනවා
ඇත්තටම මට මේක එදා එච්චර මීටර් උණේ නෑහැබැයි මෙහෙත් තියන්න යනවා කිව්වාම තමා මතක් වෙලා ලියන්න හිතුවෙ






ජයවේවා

Posted in | 4 Comments

පින්තූරයේ අයිති කරු හොයමු !! [ Find Owner Of Facebook Photo ]



ඔන්න කමෙන්ට් වැටෙන්නේ නැති ලිපියක් ලියන්නයි හදන්නේ , ඒ කිව්වේ ටෙක් එකක් :D
මේක පස්සේ කාලෙක ලියන්නම් කියලා හිතාගෙන හිටියාට මාරයියාගේ පෝස්ට් ඉල්ලීමක් නිසා ලියන්න හිතුනා

කියන්න යන දේ සරලෙන් කිව්වොත් මේකයි :-

, ඔය ගොඩක් දෙනා ෆොටෝස් කොහෙට හරි , ෆෝරම් එකකට හරි නැත්නම් බ්ලොග් එකකට හරි දාද්දි කරන්නේ කෙලින්ම ෆේස්බුක් එකට අප්ලෝඩ් කරලා ඒකේ ඩිරෙක්ට් ලින්ක් එක අරන් දෙනවා, නැත්නම් කාගෙ හරි ඇල්බම් එකෙකින් උස්සලා දෙනවා :P , ඉතින් අපි හිතමු ඒ ෆෝටෝ එකේ අයිති කාරයාව අපිට හොයාගන්න ඕනේ කියලා ( ඔය නිලි බට්ටො එහෙම ඉන්න ඒවා :P ) , අර දීපු කෙනාගෙන අහනත් පුලුවන් එයා කිව්වේ නැත්නම් :\



වැඩේ කරන්නේ මෙහෙමෙයි

පැහැදිලි නැත්නම් පින්තූර උඩ කොටන්න

ඔයාට අයිතිකාරයා හොයන්න ඕනේ ෆෝටෝ එකේ ඩිරෙක්ට් ලින්ක් එකට යන්න ( මෙන්න මේ වගේ අන්තිමට .jpg )



ඊට පස්සේ අන්තිම ඉදලා ඉස්සරහට බලද්දි මෙන්න මේ විදිහට _ වලින් කොටස් කීපයකට වෙන කරලා තියෙනවා නේද , එතනින් පිටිපස්සේ ඉදලා තුන් වෙනි කොටස ( මේතන නම් රතු පාටින් සලකුනු කරලා තියෙන කොටස )

පැහැදිලි නැත්නම් පින්තූර උඩ කොටන්න


දැන් අන්න ඒ කොටස කොපි කරගෙන ( මේ පින්තූරෙ නම් 1300866994 ) ඔය පහල තියෙන ඇඩ්‍රස් එකේ රතු තරු ටික වෙනුවට කොපි කර ගත්තු අර ඉලක්කම් ටික දාලා ඒ එන ඇඩ්‍රස් එකට යන්න , ඔන්න ඔය තියෙන්නේ ඔය පින්තූරේ අයිති කාරයාගේ ප්‍රොෆයිල් එක

https://www.facebook.com/profile.php?id=*********



මේ වෙලාවෙ එහෙම ටෙස්ට් කරලා බලන්න පින්තූරයක් නැත්නම් ඔය මම උඩින්ම දාලා තියෙන පින්තූරේ අරන් ට්‍රයි කරන්න , ඊට පස්සේ ඔයාගෙම ෆොටෝ එකකටත් ට්‍රයි කරන්න 

එහෙනම් ජය වේවා 

Posted in , , , | 18 Comments

ෆේස්බුකියේ සින්ඩියක් ?? [ Facebook Blog Reader ]

 

මාතෲකාව දැක්කාම හොල්මන් වගේනේ, ඔව් ඒක ඇත්ත

මේක ගොඩක්ම වැදගත් වෙන්නේ ෆේස්බුක් එකේ දවසෙන් බාගයක් විතර ඉන්න අයටයි මම වගේ HSDPA පාවිච්චි කරන අයටයි

මම දන්න විදිහට ගොඩක් අය කොහෙටවත් යන්නේ නෑ ඕවට යන්න කම්මැලී කියලා, හැබැයි ෆේස්බුක් ශෙයාර් එකක් තිබුනොත් නම් ගිහින් බලනවා, අනිත් එක දවසකට ඔය පොතේ පිටූ කීයක් නම් පෙරලනවාද , ඒකට තව එකක් දෙකක් වැඩි උනාට මුකුත් වෙන්නේ නෑ  :P

මේකෙන් සිද්ද වෙන කාරනය පැහැදිලි කලොත්,

                         1. මේ පිටුවට "Like" කරලා තියෙන අයට විතරයි මේ පහසුකම ලබාගන්න පුලුවන්.
                         2. මෙයට ඇතුලු කර තිබෙන බ්ලොගයක නව ලිපියක් පෝස්ට් කර විනාඩි 10 ඇතුලත ඔබගේ "News Feeds" තුල එය පෙන්වනු ලබයි, ( එය ඔබට මග හැරුනහොත් එම පිටුවේ වෝලය මත එය දැක ගත හැකිවේ ), නිකන් කවුරුහරි පෝස්ට් එක ශෙයා කලා වගේ


ඉතින් එහෙනම් ඔයාත් මේක හරහා කියවන්න හෝ මේකට බ්ලොග් එක ඇතුලත් කරගන්න අවශ්‍ය නම් මෙන්න මේ පිටුවට ගිහිල්ලා ලයික් කරන්න, බ්ලොග් එක ඇතුලත් කරන්න නම් එතන්ටම වම් පැත්තෙන් තියෙනවා ඔබේ අඩවියත් ඇතුලු කරන්න කියලා එතනින් ඒ ෆෝම් එක පුරවලා එවන්න


Edit - අවසාන වශයෙන් කියන්න ඕනේ මට මේකට උදව් කරපු හැමදෙනාටම ගොඩක් ස්තූති වන්ත වෙනවා :)

Posted in , , | 11 Comments

TV සීරියස් බැලිල්ල...


මම සාමන්‍යෙන් ෆිල්ම් බැලුවට TV  සීරියස් බලන්නේ නෑ හැබැයි මීට ටික කාලෙකට කලින් පිස්සා පලාමල්ලට ඔබපු පෝස්ට් එකකින් ඒ දවස් වල ගිය ටීවී සීරියස් ගැන කතා කරලා තිබ්බා

මම සාමාන්‍යයෙන් ටීවී සීරියස් මෙහෙම  බලන්නේ නැති උනාට ඉස්සර ඉස්කෝලේ යද්දී මේක තියෙන දවස් වලට මට විතරක් ක්ලාස් නෑ :P 

සමහර කතා බලලා තිබ්බාට ඒවගේ නම් වත් මතක නෑ ( පොඩි කාලේ බලපුවානේ :P )
කොහොම හරි ඉතින් මට මතක මතක විදිහට ඒ ලිපියේ කමෙන්ට් කලා මෙහෙම එකක් මතකද කියලා කොහොම හරි එතනින් හරී - පිණිපළස , naya, Sheshanie   සහ  pissi යන කට්ටියට සහ පිස්සාට පිo සිද්ද වෙන්න අමතක වෙලා තිබ්බ කතා වල නම් හොයා ගත්තා ඒ තමයි

පරිගණක දඟයෝ - Crash Zone (TV Series 1999–2001)
The Zack File's
Woof!

මෙතනින් The Zack File's කියන එක එදාම යූටියුබ් එකේ තිබිලා පටන් ගනිද්දි ඇහෙන සද්දෙට ආයෙත් පොඩි කාලෙට ගියා වගේ හිතුනා :D

ඊට පස්සෙ හොයලා බලද්දි Woof! එකේ කොටස් කීපයක් නම් Youtube එකේ තියෙනවා, Zack එකත් තියෙනවා Crash Zone එක තාම හොයන්න බැරි උනා :P

Zack File's හොයාගෙන යද්දි මගේ බුකියේ ඉන්න යාලුවෙක් කිව්වා මිනිහා ලග සීසන් 2 එක තියෙනවා කියලා, උන්න හැටියට මලා මදැයි කියලා ඒක අරන් ආව, මේ පෝස්ට් එක ලියන්නෙත් ඒක බලන ගමන් :P

දැන් ඊලගට ගන්න තියෙන්නේ පිස්සාගෙන් මායා බන්ධන එකයි, ඔය Crash Zone එකයි :D

ප.ලි The Zack File's එකේ සීසන් 2 එක කාට හරි ඕනේ නම් කියන්න :)

Posted in , | 7 Comments

Torrent වල ක්‍රියා කාරීත්වය


මේක Online හෙල්ප් ගෲප් එකේ කෙනෙක් අහපු ප්‍රශ්නයකට දීපු උත්තරේ මට හිතුනා පෝස්ට් එකක් විදිහට පසු කාලීනව කාට හරි දැන ගන්න ඕනේ වෙයි කියලා දාන්න


ප්‍රශ්නය = "අනේ දන්න කෙනෙක් ඉන්නවා නම් u torrent වල ක්‍රියා කාරීත්වය පහදා දෙන්න පුළුවන්ද?"


පිලිතුර = "අප විසින් කලින් බාගත කල ගොනු නැවට අප්ලෝඩ් කිරීමත් ( Seeding )
අප විසින් ලබාදෙන ගොනු බාගත කර ගැනීමත්

ටොරන්ට් යනු රැපිඩ් ශෙයා හෝ මීඩීයාෆයර් වැනි ෆයිල් හොස්ටර්යක් නොවේ, එය භාවිතා කරන්නේ P2P ( Peer To Peer ) සම්බන්දතාවයක් ය,
එනම් ඔබ විසින් යමක් බාගත්තේද , ඔබ එම ටොරන්ට් ගොනුව ඉවත් නොකරන තුරු තවත් අය එම ගොනුව බා ගනී නම් එය ඔවුනට යවමින් පවතී

ඒ වගේම ඔබට ටොරන්ට් මගින් ගොනුවක් බාගත කරගැනීමට හැකි වෙන්නේ, ඔබ වැනිම තවත් කෙනෙක් එය ඉවත් නොකර Seed කලහොත් පමනී

එම නිසා ටොරන්ට් ගොනුවක් බාගත කර ගැනීමට ප්‍රථම හොදින් Seed's ඇද්දැයි බලන්න , Seed's වැඩි වන තරමට ඔබට එම ගොනුව බා ගත කර ගැනීමට පහසු වනු ඇත

Please Seed :D"



හරි ඔච්චරයි , තව දන්න දේවල් තියෙනවා නම් කියන්න මටත් දැන ගන්න :)


Edit =


 pieces tracker/DHT .torrent file super seeder mesh මේ ටික තමයි keywords, torrent අනිත් file transfer ක්‍රම වලින් වෙනස් වෙන -  පිටස්තරයා 

Posted in , | 2 Comments

මෙහෙම කටු කාට වත් නොම ලැබේවා...




ඔන්න මේක ලියන්නේ 2011/04/11 වෙනිදා, ගොඩක් අය දන්න විදිහට අදත් මගේ උපන් දිනයක්ලූ
මට නම් වෙනසක් නෑ, සාමාන්‍ය විදිහට නැගිට්ටා, දවසේ වැඩ ටික කරලා ඉද ගත්තා කොම්පීතරේ ඉස්සරහින්, බුකියේ සුබ පතපු අයට ස්තූතී කරන්න පටන් ගත්තා.

ඔහොම වැඩ කේරීගෙන යද්දී, ඔන්න මගේ යාලුවෙක් කතා කරලා කියනවා "මචන් මැශින් වගයක් ( PC ) තියෙනවා ගන්න යන්නේ චෙක් කරන්න එන්න පුලුවන්ද කියලා"

මම ඇහුවා කොච්චර වෙලා යයිද කියලා, ඌ කිව්වා "වැඩිය නෑ බන් පැය 1.5 හෝ 2 යයි කියලා" අව්ලක් නෑ කියලා ඔන්න මිනිහගේ බයික් එකේ ගියා මැශින් ටික බලන්න

කොහොම හරි පැයක් විතර ඇතුලට ඒ වැඩේ කරලා ඉවර වෙලා, වෑන් එකක් කතා කරගෙන යාලුවගේ ගෙදරට ඒ ටික දැම්මා

ඊට පස්සේ අර ගත්තු එකක් යාලුවගේ හාමිනේගේ ගෙදර ගෙනියන්න ඕනේ කියලා අර දඩ Dell Branded PC එකකුත් ඔඩොක්කුවේ තියාගෙන මම දැන් යනවා.

යාලුවාගේ ගෙවල් තියෙන්නේ බත්තරමුල්ලේ ටිකක් ඇතුලට වෙන්න, එක්කේනාගේ ගේ තියෙන්නේ හෝමගමට 2-3 KM එහා, ( හිතපල්ලා කොහොමද ආතල් එක කියලා :D ) , ඔන්න දැන් වලවල් වල වැටි වැටි ශපාන් එකේ ගමන ගියා ගිහින් නැවැත්තුවට පස්සේ මට කෙලින් ඉන්න බෑ ( කකුල් දෙක හිරි වැටිලා )

හරි දැන් ඉතින් පොඩ්ඩක් කතා බහ එහෙම කරලා එහෙන්ම දවල් කෑම වේලත් ශේප් කරගත්තා :P

දැන් කාලා බීලා ඉවර වෙලා කාපුව එහෙම එහාට මෙහාට වෙනකන් පොඩ්ඩක් ඉදලා යන්න කියලා එලියට එද්දි වැස්සක් පටන් ගත්තා , කාපන් පරිප්පු කිව්වලු :(

ඔන්න වැස්ස පොඩ්ඩක් විතර පෑව්වා(වගේ පෙනුනා), දැන් වෙලාව හවස 6.30ත් වෙලා, මම කිව්ව යමන් බන් මේක හරියන්නේ නෑ, වැස්සේ හරි යමන් කියලා, ඊට පස්සේ ජන්ගමේ එහෙම බෑග් එකකට පැක් කරගෙන දිග කලිසම දනිස්ස ගාවට නවාගෙන සපත්තු දෙකට වතුර යයි කියලා මම ඒකත් බෑග් එකකට දාගත්තා

ලොක්කා වගේ ආවට මොකද එලියට බැහැපු ගමන් ආයේ වැස්ස තද උනා, ^&@$^*$%^T@ @#%$^*&#

මාර්ගය ලිස්සන සුලූ නිසා යාලුවට කිව්වා හෙමීට යමන් කියලා

කොහොම කොහොම හරි, හෝමාගම + 2KM ඉදලා නාවින්නට එනකන් මම ෆූල් බරිස් වෙලා, ඒ අස්සේ කකුල් දෙක නමාගෙන හින්දා සීතල හුලන්, අනිත් එක වැස්සේ තෙමීගෙන ඇවිල්ලා ඇදුම් ටික ඔක්කොම කිසිම අව්ලක් නැතුව තෙමිලා

කාමරේට ඇවිල්ලා බලද්දී කකුලේ ඇගිලි නෑ නෑ වගේ හිරි වැටිලා :\
මොනවා උනත් මේ වගේ ආතල් එකක් නම් ආයේ එපා :D

ප.ලි : මම මේ පෝස්ට් එක හෙට උදේ දාලා ගමේ යනවා, එහෙනම් කට්ටියටම බායි කිව්වා :D

Posted in | 4 Comments

Iphone, Black Berry ඕනේ එකක් එක්ක මූනූපොතට...........


අද කියන්න යන්නේ පොඩී සයිට් එකක් ගැන ඒකේ නම තමයි Facebook Multi Via

මේ සයිට් එකෙන් කරන්නේ ඔයාලට එක එක විදිහට Facebook එකේ Status එක දාන්න පහසුකම සලසා දෙනවා

දැම්මට පස්සේ පේන්නේ මෙන්න මේ වගේ


මේ තියෙන්නේ ඒකේ Facebook පිටුව : ගෙදර යන ගමන් ලයික් එකක් දාගෙන යන්න :D 

මේ තියෙන්නේ ඒ සයිට් එක

Go To There & Do Your Job ;) - HTTP://WwW.FBMV.Tk


වැඩිය ටෙම්ප්ලේට් එහෙම බර නැති එකේ පොඩි කමෙන්ට් එකක් එහෙම දීලා ගියා නම් හොදයි

P.S - මේක දැක්කට පස්සේ මගේ Iphone එකට සුබ පතපු කට්ටියගෙන් හොද බැනුමක් ශුවර් :D

Posted in , , | 5 Comments

නඩුත් රජ්ජුරුවන්ගේ බඩුත් රජ්ජුරුවන්ගේ..

නාවින්න සිට වත්තේගෙදරට - රු 6
වත්තේගෙදර සිට මහරගමට  -  රු 6
නාවින්නේ සිට මහරගමට      - රු 6

නඩුත් රජ්ජුරුවන්ගේ බඩුත් රජ්ජුරුවන්ගේ
මම - @!#%#@$^&%$ #^$^&^&

දැන් ඉතින් බැනපියව් :D , මට මේ කම්මැලි හිතුන හින්දා ලිව්වේ :)

Posted in | 6 Comments

සයිබර් සැනකෙලිය ගැන !!!!



මෙම පෝස්ට් එක ඊයේ ලිවීමට සිතාගෙන සිටියත් මොබිටෙල් එක වැඩ නොකල නිසා අද තෙක් කල් මැරීමට සිදු විය :(

කලින් දවසේ මැච් එක බලන්න ගිහින් මහන්සියටත් එක්ක නිදාගෙන ඉදිද්දි, දිලීපයා කෝල් කරලා අහනවා කොහෙද ඉන්නේ කියලා , මක් කරන්නද , කිව්වා පැය කාලෙන් මහරගම කියලා :D , පැය බාගයකින් මහරගමට ගිහින් බස් එකක ගියා ( බස් එකේදී තව ටිකෙන් කනවා කෙල්ලෙක්ගෙන් :P )

ගියාට පස්සේ කට්ටිය නම් ටිකක් අඩුයි කියලයි හිතුනේ ගොඩක් කට්ටිය එනවා කියලා තිබ්බට ඒකෙන් බොහොම අඩු ගානක් තමයි ඇවිල්ලා හිටියේ ( අපරාදේ කෑම ටික :P )

පොටෝ කෑල්ලක් දැකලා තිබ්බ සමහර කට්ටියව නම් කෙලින්ම අදුර ගත්තා අනිත් අය නම් ඔය ඉන්න ගමන් කතා බහ කලා

තරග ගැන කිව්වොත් ඉතින් :-
ඕනේ එකක් කියලා දිව්වා
කනා මුට්ටිය ගහන්න කියලා ගියත් මට කලින් දිනුවා
තොප්පි දාන්න ගිහිල්ලා තොප්පිය වැටුනා
අලියට ඇහැ තියන්න ගිහිල්ලා මම කොහේද මන්දා ගියා ( ලැජ්ජාවේ බෑ )
සැගවුනු අමුත්තා නම් තාම හෙන්රි පේද්‍රිරිස් එකේ හැoගිලා , තාම දන්නේ නෑ කවුද කියලා
මට දීපු බැලුම කොච්චර පිබ්මුවත් පිපිරුනේ නෑ

කලින් තිබ්බේ නැති මැස්කා විදිහට කඹ ඇදීමක් තිබුනේ
( අන්තිම වටේ කට්ටියම කඹේ අල්ලන් හිටියට කවුරුත් ඇද්දේ නැති හින්දා මම ලග හිටපු **** කිව්වා විසිල් එක ගහපන් කියලා, ඔක්කොම හිතුවෙ නියම විසිල් එක කියලා ඇද්දා ඇදිල්ලක් :D  )


කට්ටිය ගැන කියනවා නම් 

ඉස්සෙල්ලාම මාරයියා ගේ බනිස් කෑම
කිසිම හදිස්සියක් නෑ , ශේප් එකේ ඇවිල්ලා බනිස් එකම කාලා ගියා :D ( බනිස් ගෙඩිය කන්න ට්‍රයි එක  )



යෝගට් කෑම 



බයෙන් බයෙන් ටෙක්ස්ට් කරන දිලීප ( ෆෝන් එක රෝස පාටයි කියලා එලියට ගත්තේ බොහොම බයෙන් )







කකුල් තුනේ කුප්පයා


කෝච්චි බනී ( ඉන්දරේ අයියාගේ ඇල්බමයකින් )



අන්තිමට කට්ටිය අදුන්වා දීමේදී ඒන්ජල් සානු එහාට මෙහාට මාරු වෙවී , හැන්ගිලා හිටියත් අන්තිමට කොහොම හරි මයික් එක දීලා , කට්ටියටම ඈන්ගල් කානු ලෙසට අදුන්වලා දුන්නා.

අවසාන වශයෙන් වැපා තැන් දෙකකදීම ටිකට් නිසා නා ඇත
1. ඉන්ද්‍රනාත තේනුවර සර්ට ටිකට්  කඩන්න ගිහිල්ලා
2. නර්මදා අක්කාත් එක්ක ආපු එක්කෙනෙක්ට ( එයාගේ නන්ගි වගේ එක්කෙනෙක් ආවෙ :P ) ටිකට් එක කඩලා අතටම දුන්නා.

ඔක්කොම දේවල් හොදට සිද්ද උනා , අදුන්වා දීම කලින්ම තිබුනා නම් හොදයි කියලා හිතෙනවා
මේ වගේ තවත් හීන අබීත අයියාට පේනේවා කියලා සුබ පතනවා :D

දැන් නම් ඇති වගේ තව මතක් උනොත් එඩිට් කරනවා :D

Posted in | 24 Comments

Search

Swedish Greys - a WordPress theme from Nordic Themepark. Converted by LiteThemes.com.